Kunukero Apoderá Scarf

Dia di Rincon 2025 dediká na kunukeronan

E scarf ta un simbolo di identidat, dignidat i herensia pa e Boneriano. E ta un manifestashon visual di nos kustumbernan komo kunukero, un kultura ku a krea su mes kaminda, sostené pa nos historia i nutri pa nos pueblo.

Kada elemento riba e scarf tin su propio nifikashon; nada no ta dekorativo. Kada forma, kada kolo, riba e scarf ta un testigu silensioso di nos origen i nos relashon profundo ku nos tera.

Riba e scarf por topa:

Yerba di basora pretu – Un mata resisténte, ku por limpiá i proteha. E ta simbolisá forsa, limpiesa spiritual i protekshon.

Flor di beyísima – Ta representá bon kurason, pasenshi i beyesa natural ku ta krese sin esfuerso.

Flor di flaira kòrá kimá – Un flor ku ta brota, simbolisando renasementu, speransa i bida despues di difikultat.

Fruta di maripampun – Fruta lokal ku ta simbolisá prosperidat, sosten i nos kapasidat pa nutri nos komunidat.

Flor di shimaruku – Un símbolo di identidat i konekshon ku nos pasado, ku ta flora na su mes tempu.

Yerba di welensali – Usá pa medisina tradishonal, e ta representá salú, sabiduria di nos antepasadonan.

Flor di Korona di la Birgen – Un referensia religioso i kultural, simbolisando fe, protekshon spiritual i guia.

Nos lora lokal – Representantenan di libertat, bos propio i konekshon ku naturalesa.

E scarf ta yená ku palabranan di manifestashon pa segun ku nos ta avansá komo un komunidat nos rekorda kada lucha i mantené nos prinispionan bibu huntu ku nos. 

Double Printed (No more white back)

Material: 100% Silk

Dimensions: 90cm x 90cm