Rinconero de Pura Sepa

E diseño di e scarf "Rinconero de Pura Sepa" ta un refleho di un famia tradishonal di Rincón, honrando Hipólito Polito Janga i Lucia Filipa Cecilia, huntu ku nan yu muhé Elizabeth Cecilia. E ta simbolisá union, amor i fortalesa ku a keda para firme den tempu.

E palu di tamarein ta mustra rais profundo i sabiduria ku ta keda di generashon pa generashon. E misa di Rincón ta representá fe i komunidat, un lugá kaminda famia i tradishon ta bin huntu. E molina di awa na Dos Pos ta nifiká movementu, trabou duru i bida ku ta sigui kore.

E kolónan vibrante di e solo ku ta baha pabou di Rincón ta reflehá e energia i kalor di e komunidat. Tur huntu, e scarf ta bira un homenahe na famia, un simbolo di herensia, orguyo i identidat ku ta biba den kada huki.